Já, nú er fyrsta helgin mín í Tokyo liðin, og hún var geðveik! Á laugardaginn voru japönsku krakkarnir með skipulagða ferð um Tokyo fyrir okkur skiptinemana. Ég svaf yfir mig, átti að mæta kl 11 fyrir utan "main gate" sem ég vissi ekki einu sinni hvar var, en vaknaði 8 mínútur yfir 11, ég ákvað samt að stökkva af stað og sjá hvort ég næði þeim, og jújú, þegar ég kom á staðinn sem ég hafði giskað á rétt náði ég í skottið á þeim. Komst svo að því á lestarstöðinni að þeim hafði verið skipt í grúppur og hafði ég lent í grúppunni sem átti að fara til Odaiba, sem ég hafði ekki minnstu hugmynd hvað var!
Við vorum ca 20 í grúppunni, og tókum 2 eða 3 lestar á áfangastað, en það var samt mjög gaman, bæði kynntumst við í lestunum, talaði mikið við japönsku strákana, og svo var ein lestin ofanjarðar svo það var smá sightseeing þar. Svo komum við að þessu Odaiba, sem er staður við sjóinn, með almenningsgarði, verslunarmiðstöð, torgi, og Fuji Terebi, sjónvarpsstöðinni. Á torginu var svo Mexico festival! Mjög skemmtilegt að lenda í mexikanskri hátíð! Með skemmtiatriðum og kynningum á mexikönskum mat og drykk! Við gengum aðeins þar um og fórum svo í mollið, þar sem við fengum okkur að borða, og aftur var það Ramen, sem er núðlusúpa með allskonar í, ég fékk mér með kjöti og einhverju grænu og eggi... sem var mjög ólystugt, borðaði bara smá af þessu, ég fæ alltaf nett ógeð á núðlusúpu eftir smá... kannski leifar frá fátæktarnámsárunum í MH þegar maður borðaði núðlusúpu á hverjum degi...! En þetta var skemmtilegt, þeir eru auðvitað svo sjálfsala-óðir að maður pantar matinn í sjálfsala áður en maður fer inn á veitingastaðinn, og borgar þar og allt! Eftir matinn fórum við út og gengum um garðinn, tókum myndir af frelsisstyttunni og Regnbogabrúnni. Frakkar voru svo sniðugir að senda Japönum líka frelsisstyttuna, bara í minni útgáfu. Svo kíktum við á Fuji terebí sjónvarpshúsið, sem er geggjað flott hús, og flott útsýni þaðan (fórum samt ekki í kúluna sem er útsýnisstaður..) Fórum svo inn í húsið, fyrst í búð þar inni, þar sem þú getur keypt allskonar drasl með öllum stjörnunum úr þáttunum þeirra, teiknuðum og mennskum.
Svo fórum við upp á næstu hæð, þar sem maður átti að sjá "hvernig sjónvarpsþáttur er gerður" ég gat nú ekki séð hvernig það átti að vera hægt... það voru jú gluggar þar sem maður gat séð á "sjónvarpssettin" en þeir voru svo skringilega staðsettir að maður sá bara öll ljósin og glitta í reykvélar og smá í hausa á tæknimönnu.. ekkert mjög spennandi. Og svo voru gripir og vaxmyndastyttur af sjónvarpsþáttum og stjörnum.. Mjög spennandi ef þú ert japani og ert aðdáandi þessara þátta, en annars frekar óspennandi.
Við höfðum ákveðið að hittast kl 4.30 hjá tekílastandinum, svo ég týndi bara hinum viljandi fyrir þann tíma, og skellti mér aftur í mollið, því þar hafði ég séð Hello Kitty búð! Jeii, var þar alveg í klukkutíma! Allt hægt að kaupa þar með Hello Kitty.
Svo ráfaði ég aðeins um festivalið mexikanska og fylgdist með mannlífinu. það er mjög spes að sjá japani dressaða upp sem mexikana! Ekki mjög sannfærandi ;) hehe
Svo fórum við öll saman aftur í lest til Takadanobaba (ég er alveg að ná því að segja þetta alltaf rétt!!) Þar hittum við svo allar hinar grúppurnar á torgi. Þaðan lá svo leiðin á ekta japanskan drykkjustað, sem þeir kalla isakaya. Það var geggjuð upplifun! Þau höfðu leigt sal fyrir 100 manns! Þegar maður kemur inn á maður að fara úr skónum, svo er gengið inn og þar eru lág borð og pullur á gólfum. Við vesturlandabúarnir áttum flest í miklum erfiðleikum með að koma okkur vel fyrir og þurftum að skipta um stellingu á 5 mínútna fresti! Ekki mjög auðvelt að vera með langar lappir við pínulítið borð á gólfinu! En svo var borið á borð bjór og matur! Og fullt af því!! Kom mér samt á óvart hvað maturinn var vestrænn, salat með reyktum laxi, pizza, djúpsteiktur kjúlli og franskar og risa pulsur á priki! Og nóg af bjór. Svo birtust stærstu sake flöskur sem ég hef séð!! Og gengu þær milli manna! og þeir eru ekkert að grínast með að fylla glasið hjá manni af sake! Sake er ss hrísgrjónavín og er mjög sterkt! Þeir drekka það samt ekki sem staup heldur drekka það bara hægt (eða þeir drekka nú ekki hægt...) Vá ég hef aldrei séð jafn mikið áfengi innbyrgt á svo stuttum tíma! Og þá af japönunum, þeir voru endalaust í drykkjukeppnum, láta aðra drekka heilu bjórflöskurnar í einum teig og hvetja aðra til að drekka meira sake og fleiri bjórglös, og auðvitað skála í botn með tilheyrandi látum! Þetta var þvílík stemning og ég naut þess svo að sitja bara og horfa á þau!! Og stelpurnar gáfu strákunum lítið eftir! Vá, þetta var svo geðveikt!! Svo er hefðin hjá japönum að þú hellir aldrei í þitt eigið glas, þú hellir kannski hjá öllum við hliðiná þér, og verður svo að bíða eftir að einhver helli í þitt glas á móti. Getur tekið forever að bíða eftir að fólk fatti að þú ert löngu búinn með glasið og þú ert að kafna á frönskum...
Þegar þessu partýi svo lauk klukkan 8.30 (!!!) voru margir af litlu japönunum nú orðnir heldur skrautlegir, en flestir þó vel til í að halda partýinu gangandi, svo þá héldum við nokkur saman á annan isakaya stað. Þar var sama fyrirkomulag, þú borgar 2000 yen, og endalaust af drykkjum og mat bornir í þig á 2 tímum eða svo. Við norðurlandabúarnir vorum mjög samtaka í partýinu og fórum aðeins hægar í vínið en margir aðrir... sem voru komnir ansi vel í það þegar leið á, og endaði með því að aðeins ég Finnland og Svíþjóð x3 vorum í standi til að fara saman í Karaoke! Við fundum tvo karaoke staði rétt hjá, og gerðum verðsamanburð og svona, og biðum svo eftir herbergi á staðnum sem var ljótari, en með minni bið, en gátum verið þar til kl 5 með all you can drink. Þegar við komum svo þangað inn, beið okkar minnsta herbergi sem ég hef séð!! Og við vorum átta sem vorum saman (tvær stelpur og einn strákur höfðu bæst í hópinn með okkur fimm) Ég veit ekki hvernig okkur tókst að þjappa okkur í þetta litla herbergi, og hvernig við komumst út með heyrnina ennþá í lagi! En vá þetta var geðveikt gaman, sungum mikið og dönsuðum (sitjandi samt, ekki pláss til að standa upp)
Svo einhvern vegin færðum við okkur í næsta herbergi... veit ekki alveg hvernig það kom til en ég fylgdi bara hópnum, þar voru nokkrir japanir í geðveiku stuði! Svo við héldum áfram að syngja og skemmta okkur. Alveg þar til við fórum í leigubíl heim á heimavistina.
Sunnudagurinn fór svo bara í að ná upp svefni, er búin að vera með flugþreytu alla vikuna.. eða meira flugóþreytu, hef eiginlega ekkert getað sofið, sofnað seint og þurft að vakna snemma, ekki alveg búin að venjast tímamismuninum. Svo ég notaði tækifærið og reyndi bara að sofa eins mikið og ég gat!
Í gær fór svo dagurinn í að skrá sig í tíma, ég er í 6 tímum í japönsku á viku, svo valdi ég mér einn auka Kanji kúrs, og skráði mig svo í rosalega spennandi tíma! Design and Architecture in Tokyo, sem er eins og nafnið gefur til kynna um hönnun og húsagerðarlist í Tokýó og verður eitthvað um skoðunarferðir og svona! Svo skráði ég mig í Specification of Craft Art in Japanese Culture, sem er kynning á hefðbundum listum og handverki japana, bæði verður farið í ferðir í söfn og svo fáum við að spreyta okkur sjálf á handverkinu (skilst mér..). Ég vona að ég komist í þessa tíma!! Hlakka ekkert smá til!!
Svo er ég nú bara í fríi þar til á mánudaginn, þegar skólinn byrjar! Fer reyndar á morgun eða hinn í heilsufarstékk til að fá inngöngu í ræktina og sundlaugina á háskólasvæðinu. Og svo fáum við að vita á laugardaginn hvort skráningin hafi tekist, hvort við fáum kúrsana sem við völdum.
Þannig að ég er núna bara uppá herbergi að peppa mig upp í að fara ein í ævintýraferð og finna Takadanobaba (ég veit ekki alveg í hvaða átt það er..) er að spá í að labba þangað nefnilega og kaupa mér síma!
Er búin að setja inn myndir frá helginni hér : http://picasaweb.google.com/hronnsan/TokyoTourOgDjamm2092008#
Hafið það gott í kuldanum heima þið sem eruð á íslandi, við í Tókýó erum í glaða sólskini og 29 stiga hita í dag ;)
Sayonara,
Hrönn
p.s annað dæmi um sjálfsalaæðið þeirra er að á skólasvæðinu eru sjálfsalar þar sem þú getur stungið inn stúdentakortinu þínu og fengið öll þau vottorð sem þig vantar!! T.d bara skólavottorð, einkunnir eða hvaðeina!! Það vantar svoleiðis uppí HÍ! Ekkert nemendaskrá vesen bara sjálfsali!!
Já og svo er bjórsjálfsali hér rétt fyrir utan heimavistina!
Vinsældir
Bara búin að vera hér í þrjá daga en mér líður eins og ég hafi verið hér í 3 mánuði!
Ég er búin að kynnast svo mörgum og svo margt búið að gerast, mikið af upplýsingum sem er búið að troða í mann, og fylla út endalaust af pappírum!! Hef aldrei þurft að skrifa nafnið mitt svona oft á svona stuttum tíma!! Og það afturábak... alltaf Hjartardóttir Hrönn... spes.. og á katakana: ヒヤルタルドッチル フロン
En já, ferðalagið hingað gekk rosalega vel, ég lagði af stað frá Gígju og Darren sem voru svo elskuleg að keyra mig alla leið á völlinn um miðja nótt! Ferðin frá Heathrow til austurríkis var rosa krúttleg, Austrian Airlines er með fyndnasta “öryggis myndband” í heimi! Teiknimynd sem byrjar með bisness kalli sem klessir á skilti! Hahaha, já ég veit ég er fimm ára. Svo í myndbandinu er hann algjör lúði, klemmir bindið á borðinu fyrir framan sig þegar hann á að loka því og snýr öryggisleiðbeiningunum öfugt, algjör kjáni sko, en hann er samt skotinn í flugfreyjunni ;) sem er samt stundum líka farþegi og á litla stelpu sem er líka fyndin...
En já, anyways..
Svo beið ég í 4 tíma á vínarflugvelli, það var ekkert spes... frekar leiðinlegur flugvöllur..
Svo tók við 11 tíma flug til Tokyo. Ég svaf ekki mikið, horfði á Indiana jones, og smá af tveimur öðrum myndum sem ég man ekki hverjar voru.. Las Bíbí sem mamma lánaði mér, mjög skemmtileg. En þetta var nú frekar fljótt að líða, enda flugfreyjurnar alltaf að koma með eitthvað handa manni, mat, drykk eða núðlur eða eitthvað.
Svo var kúlaðasta í heimi í þessari vél!! Þeir voru með myndavélar undir vélinni og að framan, og þú getur horft á video frá þessum myndavélum! Í flugferðinni sést nú ekkert nema hvítt.. en í lendingu var þetta sjúklega töff!! Ég hafði á undirvélinni í aðfluginu, svo maður sá vel alla akrana og húsin úr lofti! Og svo í lendingunni svissaði ég í framaná vélina! Vá hvað það var geðveikt!! Endurupplifði flugmannsdrauminn sem ég hafði einu sinni ;) Ég reyndi að taka smá video af þessu og myndir, en það heppnaðist ekkert rosalega vel, set það inná nýju myndasíðuna mína!
Á vellinum var svo tekið á móti mér, stelpa sem stóð með skilti sem á stóð “welcome to waseda”. Var nú að vonast til að það væri með nafninu mínu, en hún og tvö önnur voru víst að taka á móti fleira fólki! Svo eftir smá stund vorum við orðin 6 sem vorum að fara í waseda, Karim og Sara frá Pakistan, Sam frá Ástralíu, Koen frá Hollandi, og Stefan frá Þýskalandi! Við spjölluðum saman og kynntumst aðeins þarna á flugvellinum, en svo splittaðist þetta eitthvað, og við enduðum bara þrjú í hraðlestinni til Shinjuku, ég stefan og koen,við vorum semsagt bara send í lestina alein, og þurftum að hlaupa til að ná henni, þá sáum við að við vorum í vitlausum vagni og að lestin mundi splittast svo við þurftum að færa okkur.. þurftum þá á næstu stöð að hlaupa út og hlaupa aftur inn í vagn númer 3, taskan mín brotnaði í hamaganginum, svo það var ekki það auðveldasta að hlaupa um með 28kg tösku og örugglega 10 kíló í handfarangri! (sem betur fer mest á bakinu samt!) En þetta hafðist!
Þegar við komum að Shinjuku lestarstöðinni höfðum við ekki hugmynd hvort einhver mundi mæta okkur þar, en jújú, þegar við stigum út var hópur af krökkum, um 10 manns, sem um leið byrjuðu fagnaðarlæti “welcome to waseda!!!” Vúhúúúúu jeiiiii hæææ svona öskruðu þau alveg geðveikt! Manni leið bara eins og rokkstjörnu!! :D mjög gaman, svo heilsuðu þau okkur öllum með handabandi og kynntu sig, svo fengum við eina manneskju hvert sem fylgdi okkur lengra. Ég og Koen vorum að fara á sömu heimavist svo við vorum samferða, með einni stelpu og einum strák, sem spjölluðu heilmikið við okkur, Koen talar ekki mikið í japönsku, svo ég þurfti aðeins að þyða fyrir hann ;) því við töluðum bara saman á japönsku! Ég kom sjálfri mér helling á óvart! Hélt að ég mundi ekki muna neitt í japönskunni, en þetta var ekkert mál! Þau spurðu mig spjörunum úr og ég þau, svo þetta var bara æði!! :D
Frá shinjuku, sem er eiginlega miðbær tókýó, tókum við svo eina lest til Takadanobaba (reyndu að segja það 10 sinnum hratt...), sem er bara þarnæsta stöð við shinjuku, og svo tókum við strætó í 5 mínútur frá lestarstöðinni og á heimavistina!
Svo var mér sýnt herbergið mitt og allt á hæðinni minni! Herbergið er bara rosalega fínt, með æðislegu útsýni yfir shinjuku!!
Rúmið og skápurinn
Heitt og sveitt í Tókýó!
Skrifborðið og korktaflan mín
Við innganginn, skóhilla, og ísskápurinn!
Endalaus krúttlegheit í Japan, slökkvitækið mitt með krúttlegri familíumynd.Þetta var rosa skemmtilegt, kynntist helling helling af fólki, allstaðar að úr heiminum! Og japönum líka, það er semsagt klúbbur sem heitir “waseda international club” sem heldur allskonar atburði fyrir okkur útlendingana, og í þessum klúbbi eru nemendur í waseda. Það nátturulega fannst öllum ótrúlega merkilegt að ég væri frá íslandi! Og allir bentu upp í loftið þegar ég sagði ísland, allir greinilega með sama ósýnilega landakortið fyrir framan sig! Ein japanska stelpan trúði því hreinlega ekki að ég væri frá íslandi! Endurtók bara Æsurandó, æsurandó?? (aisurando=iceland=ísland), svo vaerð ein japanska rosalega spennt og spurði hvort ég þekkti þá ekki raikonnen, og ég bara ha? “Já raikonnen dræver?” Kimi rækonnen formúludræver? Neibb, hann er finnskur. Hún vildi nú ekki trúa því strax, en varð frekar svekkt þegar ég sannfærði hana um það.. En það vissu þó allir að ísland væri til og hvar það væri! Nema einn ameríkaninn... ég var að segja að ég fílaði ekki kulda þó ég byggji á íslandi og hann sagði mér að flytja þá bara til evrópu ég benti honum þá á að ísland væri í evrópu, en hann alveg “bött it is jú nó a seperet system and all, an æland,” Já, england er það líka sagði ég og þá byrjaði hann að stama... Svo fór hann að segja að það væri grænland sem þýskaland ætti, og ég gat nú leiðrétt það líka.. úff þessir ameríkanar hérna eru ekki að gera góða hluti fyrir steríótýpuna...
Nema hvað, svo í gærmorgun byrjaði strax prógramm klukkan 10 um morguninn og við fórum mörg saman samferða í skólann, enda bara einn sem vissi nákvæmlega hvar þetta var! (sá gaur er reyndar snilld, svona rocka-billy gaur! Veit ekki hvaðan hann er samt.. í strigaskóm með uppábrot á gallabuxunum, í stuttermabol og með vatnsgreitt hárið með skipt í miðju! Og tóbaksklút lafandi úr rassvasanum! Eins og klipptur úr grease!) Já heimavistin er bókstaflega hinum megin við götuna frá háskólanum! (eða háskólasvæðinu) Maður er 5 mínútur að labba!! Algjör snilld! Við fengum allskonar upplýsingar og svo var farið með okkur í göngutúr um svæðið, ég hélt reyndar að ég mundi bráðna, það var svo heitt! Og svo mikill raki ða maður er rennblautur!! Þetta svæði er ótrúlega flott, ekkert smá kósí, með fullt af stórum trjám og fallegum húsum! Og mikið af þeim...
Besta reglan í reglubókinni, ekki fara á slæma staðinn.Svo var ég bara uppgefin í gærkvöldi..
Svo var stöðupróf í morgun kl 9, og eftir það fórum ég og Leena og Grace og nokkrar kínverskar stelpur og ein frá ástralíu að fá okkur að borða, það var rigning og svo kom hellidemba svo við flýttum okkur bara inn á næsta stað, og hann var æði!! Jii mér leið eins og ég væri í bíómynd! Bambusskilrúm milli bása, og maður átti að fara úr skónum áður en maður steig í básinn! (maður klifraði yfir bekkinn) við fórum reyndar í bás þar sem var hægt að setja fæturna niður, en sum borðin voru þannig að þú sast á gólfinu við það (ekki hannað fyrir stirða stóra vesturlandabúa!) Þar fékk ég mér núðlur og stærri skammt hef ég varla fengið! Og á bakkanum sem ég fékk var líka miso súpa, mjöög sterkar gúrkur, og paprika eða chili sem ég þorði ekki að smakka, og svo desert tófú með ferskju, sem var geggjað! Og allt þetta fyrir 800 jen, eða 713 krónur. Allt alveg ekta gamaldags japanskt!
Eftir matinn fundum við Leena svo aðra hyakuen búð, og ég gat keypt mér nál og tvinna (til öryggis :P) og fjöltengi og fleira sem mig vantaði.
Svo var bara beint í aðra orientation, kynningu, sem var jafn þreytandi og allar hinar... og sömu hlutirnir sagðir aftur og aftur..
Eftir það fór ég í smá verslunarleiðangur ein og fann fleira sem mig vantaði, og nú er ég bara komin uppá herbergi.
Mér líður eins og ég sé búin að vera hérna svo lengi, meira að segja áðan þegar ég var að labba heim úr búðinni gengu nokkrir japanir á móti mér og svo heilsuðu nokkur mér, þá voru þetta einhverjir sem ég þekkti!! Mjög fyndið, þau eru öll svo indæl, alltaf að heilsa manni og tala við mann, og eru bara yndisleg! Ein sendi mér email í gær og sagðist endilega vilja hitta mig og tala meira við mig, og hún gæti hjálpað mér með japönskuna og hvað sem er, ef ég vildi vita eitthvað um japan, þá gæti hún sagt mér það eða sýnt mér það! Algjört krútt!
Svo er ég auðvitað búin að kynnast fullt af hinum “útlendingunum” og það er svo gaman hvað þetta er alþjóðlegt! Sara frá pakistan býr við hliðiná mér, svo er jennifer frá hawaii búin að bjóða mér í heimsókn í herbergið hennar uppi á 11 hæð, og svo eru Ása og kristína frá svíþjóð og julie frá frakklandi búnar að bjóða mér með sér í bíó!
Manni á sko ekkert eftir að leiðast hérna!!
Fyrir utan að vinur Gunnýjar frænku, Bjarni Thor óperusöngvari bauð mér að koma á óperutónleika hér í tókýó á næsta laugardag, en ég verð því miður upptekin, svo ég varð að afþakka.. Allt að gerast í Tókýó!!
Í dag var "kaupa skrítinn mat" dagurinn hjá mér, Hello kitty "pretsel" sem er bara saltstangir án salts með jarðarberjasúkkulaði! Snoopy chocopops, spicy guacamole pringles, sem er geðveikt! (og grænt) og kók.. ekkert skrítið við það svosem.. finnst það bara í svo girnilegri dós!Ég setti inn fleiri myndir á nýju myndasíðuna mína! Endilega skoðið þær!!
Ég hef ekki getað tekið mikið af myndum, maður er alltaf svo busy að fá upplýsingar! En það kemur!
Linkur á myndasíðunna mína til hægri!!! Tékk it!
Mata ne!
HH
Þá er bara að líða að langferðinni.. Eftir nokkra tíma fer ég í vélina til Vínar, og svo þaðan til tókýó, allt í allt 18 tíma ferðalag. En ég hef nú engar áhyggjur af því, hef nóg með mér að gera!
Ósköp næs dagur í dag, ferð í súpermarkað, stoppað á ógó krúttlegum pöbb útí sveit hérna rétt hjá, sá meira að segja hesta, kanínu og tvö dádýr á leiðinni, svo þetta er alvöru sveitó ;) Foreldrar Darrens voru með, og þau eru æði, ekkert smá fyndin og krúttleg!
Komum svo heim og fengum þetta dýrindis nýsjálenska lambalæri með yorkshire pudding og grænmeti, ekta enskur sunday roast! Mjög huggó. Og Darren og pabbi hans fóru hamförum í flugna tennis.. –eltandi flugur með skóm að reyna að slá þær í rot.. mjög spennandi! Er ekki frá því að brennivíns staupin sem þeir tóku hafi haft einhver áhrif á tilþrifin! Mjög skemmtilegt alltsaman!
Svona bara til að svekkja ykkur heima þá verður 20 stiga hiti þegar ég lendi í tókýó, og mun fara í 26 stig þann daginn, og á miðvikudaginn fer hitinn í 28 gráður (og engin rigning!) getið fylgst með veðrinu hjá mér nákvæmlega á þessari síðu: http://www.weather2u.com/forecast.asp?l=en&CO=JP&LiD=1217912&t=C
En jújú, 10 stig, rok og rigning er örugglega ágætt líka ;) hehe
Er farin útá völl!!
Heyrumst frá Tókýó!
Já, við sáum Sophie Ellis Bextor á ströndinni í Brighton í gær ;)
(gasalega fræg söngkona sko)
Vá kannski kominn tími á smá blogg.. Ég er semsagt komin til Horsham, er bara að chilla með Gígju og Darren. Gígja fór með mig í smá göngutúr um nágrennið, parkið, og bæinn hér í Horsham og sýndi mér auðvitað húsið þeirra sem er ekkert smá flott! Fórum svo þrjú (eða fjögur með bumbubúanum) út að borða um kvöldið á ítölskum stað, rosa gott.Svo í dag fórum við Gígja til Brighton, það var æði! Gengum um miðbæinn, fórum að sjá þessa höll sem George IV lét byggja fyrir ástkonu sína, í Taj Mahal stíl, geðveik höll.
Svo fórum við að Brighton Pier, sem er við ströndina, þar er tivoli og spilasalur og svona. Verð að fara aftur þangað og fara í tækin ;)
Mannlífið hjá Brighton Pier (mini-inn átti ekki að vera aðal..)Í dag var geðveikt veður 23 stiga hiti og sól! Það er víst búið að vera leiðindaveður hér undanfarið svo það var fullt af fólki á ströndinni.
Haust í EnglandiNæsta blogg verður þá kannski bara frá Japan!
mata ne!