Skólinn byrjaður

Já skólinn er byrjaður svo alvaran er tekin við.. Verst hvað það er gaman í skólanum...! Japönsku kennarinn Iijima sensei er fyndnasta manneskja sem ég hef séð! Hún leikur allt og á svo fyndinn hátt, hún er bara eins og teiknimyndakarakter! Maður er í kasti alla tíma! Bara gaman, og lætur okkur auðvitað líka leika hluti eins og láta eins fífl! Aðrir kennarar skólans virðast reyndar vera jafnfyndnir því iðulega heyrast hlátrasköll úr öðrum kennslustofum! Gaman að vera kennari í japan greinilega.. íslenskir kennarar mættu læra aðeins af þeim..! (nema mamma hún er alltaf skemmtileg og fyndin, jafnvel þó hún ætli sér það ekki, hehe)

Svo eru hinir tímarnir sem ég er búin að fara í ÆÐI!!! Líst ekkert smá vel á þetta, annar þeirra fjallar um hönnun og arkitektúr í tókýó, og ég held að verði geðveikt skemmtilegur, og hinn er almennt um hönnun og arkitektúr- saga nútíma arkitektúrs, líka alveg ótrúlega spennandi! Það er sami kennari í þeim báðum, Erez, arkitekt frá ísrael, og hann er alveg fáránlega klár, allt sem hann segir meikar svo mikið sens, og hann sér hlutina á svo magnaðan hátt, og nær að koma því frá sér, sem er mikill kostur fyrir kennara. Svo þessi vetur verður æði!! Ég á svo eftir að fara í einn kúrs sem er líka fáránlega spennandi, sem er um hefðbundna list og handverk í japan, þar sem verður farið í ferðir í allskonar söfn og við fáum víst að prófa að gera eitthvað sjálf! Fyrsti tíminn er á föstudaginn, svo ég hlakka ekkert smá til!!


Ohh ég ætlaði ekki að verða þessi blogg týpa.. sem skrifar aldrei og þarf svo að rifja upp og nær aldrei að komast "up to date"..

Allavega.. set inn nýjar myndir á myndasíðuna mína svo þið getið skoðað þær, þá þarf ég ekki að skrifa um það allt!

Útsýni úr glugganum mínum, yfir skýjakljúfana í Shinjuku

Fór í síðustu viku í smá ævintýraferðir, ein á lestarstöðina, leið sem ég hafði aldrei labbað fyrr, ein í lest til shinjuku (ekkert grín að kaupa miða þegar allt er á japönsku.. ekki einu sinni lestarkort á "venjulegu máli" svo ég varð bara að giska hvert ég var að fara!) en það gekk allt vel, þó svo að ég hafi ekki hitt íslensku krakkana sem ég ætlaði að hitta í Shinjuku en hva.. rölti bara um ein... enda ekki besta hugmynd í heimi að ætla að hittast fyrir utan stærstu lestarstöð í heimi án þess að þekkja hana og ég án síma..!

Hello Kitty!! Æðisleg búð, hlakka til að fara með Emilíönu Birtu í hana!!

Svo fór ég og hitti Sigurrósu og manninn hennar, Stein, í Shibuya á föstudaginn, það var æði! Röltum um Shibuya og Daikanyama þar sem eru æðislegar hundabúðir og hundakaffihús! Ég var ekkert að ljúga í fyrirlestrinum sem ég hélt uppí háskóla (og víðar..) um hundatískuna í japan! Það eru rosalega margir hundar hérna, og annar hver klæddur í föt, sá einn í sailor fötum með sailor hatt og allt. og þarna í daikanyama voru hundakaffihús og búðir með ótrúlegu úrvali af hundafötum og hundakerrum og allskonar stöffi fyrir hunda!

Má bjóða þér í mat? Viltu þriðja magann úr kú, eða
má kannski gleðja þig með legi úr ungu kvenkyns svíni??

Endalaust af fólki á leiðinni í lestina í Shibuya..
en kl 5 um nóttina! Á leið heim af djamminu í fyrstu lest.

Já.. nenni ekki að skrifa meira í bili... sushiið mitt og kanji verkefnin bíða


Kvöldmaturinn minn, fyrir 300 íslenskar krónur

knús frá tokyo
hh